મુખ્ય હાઇલાઇટ્સ:
- સાવરકુંડલા ફેમિલી કોર્ટમાંથી ૩૨૦ દિવસની સાદી કેદની સજાનું વોરંટ ધરાવતો આરોપી ઝડપાયો.
- ભરણપોષણની રકમ ચૂકવવામાં કસૂર કરી કોર્ટ મુદતે ગેરહાજર રહેતા આરોપી સામે કરાઈ કાર્યવાહી.
- ભાવનગર રેન્જ આઈજીપી અને અમરેલી પોલીસ અધિક્ષકની સૂચનાથી ચલાવાયું વિશેષ અભિયાન.
- રાજુલા પોલીસે બાતમીના આધારે ટાઉન વિસ્તારમાંથી આરોપીને પકડી કોર્ટ સમક્ષ રજૂ કર્યો.
વોરંટના આરોપીઓને ઝડપી પાડવા ઉચ્ચ અધિકારીઓની સૂચના
ભાવનગર રેન્જના આઈજીપી આર.વી. અસારી દ્વારા રેન્જના જિલ્લાઓમાં શરીર સંબંધિત ગુનાઓ, ભરણપોષણની રકમ આપવામાં કસૂર કરનાર તેમજ કોર્ટ મુદતે હાજર ન રહેતાં પકડ તથા સજાના વોરંટ ધરાવતા આરોપીઓને પકડી પાડવા કડક સૂચના આપવામાં આવી હતી. આ આદેશના અનુસંધાને અમરેલી જિલ્લા પોલીસ અધિક્ષક સંજય ખરાત તથા રાજુલા ડિવિઝનના નાયબ પોલીસ અધિક્ષક નયના ગોરડીયાના માર્ગદર્શન હેઠળ રાજુલા પોલીસે વોરંટની બજવણી માટે ખાસ કામગીરી હાથ ધરી હતી.
૩૨૦ દિવસની સજા પામેલો આરોપી રાજુલા ટાઉનમાંથી ઝડપાયો
આ કામગીરી અંતર્ગત નામદાર ફેમિલી કોર્ટ સાવરકુંડલાના પરચૂરણ ફોજદારી અરજી નંબર ૪૬/૨૦૨૬ ના કામે ભરણપોષણની રકમ આપવા માટે કસૂરવાર ઠરેલા અને ૩૨૦ દિવસની સાદી કેદની સજાનું વોરંટ ધરાવતા આરોપી દીપકભાઇ રામજીભાઇ બાબરીયા (ઉંમર ૩૨ વર્ષ, ધંધો કડિયાકામ, રહે. રાજુલા, વડનગર વિસ્તાર) ને પકડી પાડવામાં આવ્યો છે. આરોપી કોર્ટમાં હાજર ન થઈને નાસતો-ફરતો હોવાથી રાજુલા પોલીસે ચોક્કસ બાતમીના આધારે રાજુલા ટાઉન વિસ્તારમાંથી તેને ઝડપી લીધો હતો.
રાજુલા પોલીસ ટીમની કામગીરી
પકડાયેલા આરોપી સામે કાયદેસરની ધોરણસરની કાર્યવાહી કરીને તેને નામદાર કોર્ટ સમક્ષ રજૂ કરવામાં આવ્યો છે. આ સફળ કામગીરી રાજુલા પોલીસ સ્ટેશનના પોલીસ ઇન્સ્પેક્ટર વી.એમ. કોલાદરાની સૂચના અને માર્ગદર્શન હેઠળ ટાઉન બીટ ઇન્ચાર્જ એએસઆઈ ભરતભાઇ મુહાભાઇ વાળા, હેડ કોન્સ્ટેબલ સુરજભાઇ સોમાતભાઇ બાંભણીયા તથા પોલીસ કોન્સ્ટેબલ અમીતભાઇ તુળસીભાઇ મકવાણા દ્વારા હાથ ધરવામાં આવી હતી.
અહેવાલ: ભાવેશ વાઘેલા
About the Author
