તમિલનાડુના રાજકારણમાં એક નવા યુગનો પ્રારંભ થવા જઈ રહ્યો છે. અભિનેતામાંથી રાજનેતા બનેલા અને ‘તમિલગ વેટ્રી કઝગમ’ (TVK) ના પ્રમુખ વિજયે શુક્રવારે મોડી સાંજે રાજ્યપાલ રાજેન્દ્ર વિશ્વનાથ અર્લેકર સાથે મુલાકાત કરીને સરકાર બનાવવાનો સત્તાવાર દાવો રજૂ કર્યો છે. રાજ્યપાલે વિજયને સરકાર બનાવવા માટે આમંત્રણ આપ્યું છે, જેના પગલે હવે રાજ્યમાં મુખ્યમંત્રી પદને લઈને ચાલી રહેલી તમામ અટકળોનો અંત આવ્યો છે. સિલ્વર સ્ક્રીન પર ધૂમ મચાવ્યા બાદ પોતાની પ્રથમ ચૂંટણીમાં જ જબરદસ્ત જનસમર્થન મેળવીને વિજય હવે રાજ્યની કમાન સંભાળવા તૈયાર છે.
આવતીકાલે સવારે 11 વાગ્યે યોજાનારા ભવ્ય શપથગ્રહણ સમારોહમાં વિજય મુખ્યમંત્રી પદના શપથ લેશે. આ ઐતિહાસિક ક્ષણના સાક્ષી બનવા માટે વિપક્ષી નેતા રાહુલ ગાંધી પણ ખાસ હાજર રહે તેવી શક્યતા છે. યુવાનો, મહિલાઓ અને સામાન્ય જનતાના અભૂતપૂર્વ પ્રેમથી મળેલી આ જીત તમિલનાડુના રાજકારણમાં એક મોટા પરિવર્તનના સંકેત આપે છે. લોકો હવે નવી સરકાર પાસે શિક્ષણ, સ્વાસ્થ્ય અને રોજગાર જેવા પાયાના મુદ્દાઓ પર વિકાસની આશા રાખી રહ્યા છે. વિજયની આ સફર તમિલનાડુના ઇતિહાસમાં એક સુવર્ણ પ્રકરણ તરીકે અંકિત થશે.
https://x.com/i/status/2052748730621894759
About the Author
