મુખ્ય હાઇલાઇટ્સ:
- બાબરા ટાઉનમાં ભીમબાપુની પાટી પાસે જાહેરમાં ચાલતા જુગારધામ પર પોલીસનો સફળ દરોડો.
- અમીર બનવાના ખ્વાબ જોતા ૬ જુગારીઓને રોકડા રૂપિયા ૩૬,૨૦૦ તથા જુગારના સાહિત્ય સાથે કરાયા અરેસ્ટ.
- અમરેલી એસપી સંજય ખરાત અને લાઠી ડીવાયએસપી વિસ્મય માનસેતાના માર્ગદર્શન હેઠળ કાર્યવાહી.
- બાબરા પોલીસ પીઆઈ આર.આર. પરમાર અને સર્વેલન્સ ટીમે દરોડો પાડી જુગાર ધારા હેઠળ નોંધ્યો ગુનો.
ભીમબાપુની પાટી પાસે જુગાર રમતાં ૬ શખ્સો રંગેહાથ ઝડપાયા
અમરેલી જિલ્લાના બાબરા ટાઉનમાં રાતોરાત અમીર બનવાના અર્માનો સાથે પાના ફેંકીને ‘શેઠ’ થવા નીકળેલા જુગારીઓ પર પોલીસે લાલ આંખ કરી છે. બાબરા ટાઉન વિસ્તારમાં આવેલી ભીમબાપુની પાટી પાસે રૂપિયાનો ઢગલો કરવા બેઠેલી મંડળી પર પોલીસે અચાનક દરોડો પાડીને જાહેરમાં ગંજીપત્તાનો જુગાર રમતા ૬ શખ્સોને રંગેહાથ ઝડપી પાડીને લોકઅપ હવાલે કર્યા છે.
અમરેલી પોલીસ અધિક્ષકની સૂચનાથી સર્વેલન્સ ટીમનો દરોડો
અમરેલી જિલ્લા પોલીસ અધિક્ષક સંજય ખરાતની કડક સૂચના મુજબ લાઠી ડીવાયએસપી વિસ્મય માનસેતાના માર્ગદર્શન હેઠળ બાબરા પોલીસ ઇન્સ્પેક્ટર આર.આર. પરમાર સહિત સર્વેલન્સ ટીમના એએસઆઈ કિરણભાઈ સોલંકી, હેડ કોન્સ્ટેબલ રાજભા વાઘેલા, રમેશભાઈ કોતર તેમજ પોલીસ કોન્સ્ટેબલ જગદીશભાઈ રામાણી, ગોકળભાઈ રાતડીયા, વિજયભાઈ ચારડીયા અને ભારતભાઈ મકવાણાએ સચોટ માહિતીના આધારે આ સફળ દરોડો પાડ્યો હતો.
રોકડ રકમ અને જુગાર સાહિત્ય કબ્જે, કાયદેસરની કાર્યવાહી
પોલીસે ઘટનાસ્થળેથી બાબરાના વિક્રમભાઈ પ્રતાપભાઈ ચૌહાણ, કાળુભાઈ રામભાઈ રાઠોડ, ઈરફાનભાઈ રમેશભાઈ અગવાન, અરમાનભાઈ સલીમભાઈ મેતર તેમજ જસદણ બરવાળાના અશોકભાઈ રાઘવભાઈ સાકરીયા અને બાબરા અમરાપરાના હિંમતભાઈ રમેશભાઈ માંડાણીને કબ્જે લીધા હતા. દરોડા દરમિયાન પોલીસે સ્થળ પરથી રોકડા રૂપિયા ૩૬,૨૦૦/- તથા જુગારનું સાહિત્ય કબ્જે કરી તમામ આરોપીઓ સામે જુગાર ધારા કલમ ૧૨ મુજબ ગુનો નોંધી આગળની કાયદેસરની કાર્યવાહી હાથ ધરી છે.
અહેવાલ: ફારૂક બિલખીયા
About the Author
