મુખ્ય હાઇલાઇટ્સ:
- દામનગર પોલીસ સ્ટેશનમાં નોંધાયેલા બળાત્કાર અને પોક્સોના ગંભીર ગુનામાં અમરેલી પેરોલ ફર્લો સ્કવોર્ડની ત્વરિત કાર્યવાહી.
- હ્યુમન ઇન્ટેલિજન્સ અને ટેકનિકલ સોર્સના આધારે નાના વરાછા (સુરત) અને તારાપુર (આણંદ) ખાતેથી આરોપીઓ ઝડપાયા.
- કાયદાના સંઘર્ષમાં આવેલ બાળ કિશોર અને ૧૮ વર્ષીય સાગર વિપુલભાઈ નાથાણીને પોલીસે રાઉન્ડ અપ કર્યા.
- ભાવનગર રેન્જ આઈજીપી અને અમરેલી પોલીસ અધિક્ષકની સૂચનાથી ગણતરીની કલાકોમાં ભેદ ઉકેલાયો.
ગંભીર ગુનામાં ત્વરિત કાર્યવાહી માટે ઉચ્ચ અધિકારીઓની સૂચના
ભાવનગર વિભાગના પોલીસ મહાનિરીક્ષક આર.વી. અસારી દ્વારા રેન્જના જિલ્લાઓમાં બનતા ગંભીર પ્રકારના ગુનાઓમાં સંડોવાયેલા આરોપીઓને સત્વરે પકડી પાડવા ખાસ આદેશ આપવામાં આવ્યો હતો. આ અનુસંધાને અમરેલી જિલ્લા પોલીસ અધિક્ષક સંજય ખરાત દ્વારા ગંભીર ગુનાઓનો ત્વરિત ભેદ ઉકેલવા ખાસ માર્ગદર્શન આપવામાં આવ્યું હતું. જેના પગલે અમરેલી એલસીબી પોલીસ ઇન્સ્પેક્ટર સી.પી. વાઘેલાના માર્ગદર્શન હેઠળ પેરોલ ફર્લો સ્કવોર્ડના પોલીસ સબ ઇન્સ્પેક્ટર એન.જી. સાપરા તથા તેમની ટીમે તપાસનો ધમધમાટ શરૂ કર્યો હતો.
સુરત અને આણંદથી ગણતરીની કલાકોમાં આરોપીઓ રાઉન્ડ અપ
દામનગર પોલીસ સ્ટેશનમાં નોંધાયેલા ગુના રજિસ્ટર નંબર ૧૧૧૯૩૦૧૭૨૬૦૧૯૨/૨૦૨૬ (ભારતીય ન્યાય સંહિતાની કલમ ૬૪(૨)(આઈ), ૬૪(૨)(એમ), ૬૫(૧), ૭૦(૨), ૭૫(૨), ૩૫૧(૩), ૩૫૨, ૩૫૬(૨), ૩(૫) તેમજ પોક્સો એક્ટ કલમ ૪, ૬, ૧૦, ૧૨, ૧૭ અને આઈટી એક્ટ કલમ ૬૬(ઈ), ૬૭(બી)) ના ગંભીર ગુનાના કામે સંડોવાયેલા આરોપીઓને શોધી કાઢવા પેરોલ ટીમે ચક્ર ગતિમાન કર્યા હતા. હ્યુમન ઇન્ટેલિજન્સ અને ટેકનિકલ સર્વેલન્સના આધારે ટીમે સુરતના નાના વરાછા તેમજ આણંદ જિલ્લાના તારાપુર ખાતેથી ગણતરીની કલાકોમાં દરોડા પાડીને આરોપીઓને રાઉન્ડ અપ કર્યા હતા.
ઝડપાયેલા આરોપીઓ અને આગળની કાર્યવાહી
પોલીસે આ કેસમાં (૧) કાયદાના સંઘર્ષમાં આવેલ બાળ કિશોર તથા (૨) સાગરભાઇ વિપુલભાઇ નાથાણી (ઉંમર ૧૮ વર્ષ ૮ માસ, ધંધો અભ્યાસ, રહે. આંબરડી, તા. લાઠી, જી. અમરેલી) ની અટકાયત કરીને આગળની કાયદેસરની કાર્યવાહી માટે દામનગર પોલીસ સ્ટેશનને સોંપવાની તજવીજ હાથ ધરી છે.
આ સફળ કામગીરી અમરેલી એલસીબી પીઆઈ સી.પી. વાઘેલાના માર્ગદર્શન હેઠળ પેરોલ ફર્લો સ્કવોર્ડના પીએસઆઈ એન.જી. સાપરા, એએસઆઈ એ.એમ. સોલંકી, જે.જી. ઝાલા તથા ડ્રાઇવર અશ્વિનભાઇ કે. ચાવડા દ્વારા સંયુક્ત રીતે પાર પાડવામાં આવી હતી.
અહેવાલ: ભાવેશ વાઘેલા
About the Author
