મુખ્ય હાઇલાઇટ્સ:
- નવરાત્રીના પાવન પ્રથમ દિવસે માં આઈ શ્રી ખોડિયાર માતાના દર્શનાર્થે જતા પદયાત્રિકો માટે ભવ્ય સેવા કેમ્પનું આયોજન.
- દેવ એન્ટરપ્રાઇઝ, ધોલેરા અને મિત્રવર્તુળ દ્વારા શ્રદ્ધાળુઓ માટે ચા-નાસ્તો, ફરાળી વાનગીઓ અને વિશ્રામની સુંદર વ્યવસ્થા.
- ભાડિયાદના અક્ષયરાજસિંહ જયદેવસિંહ ચુડાસમા અને ગ્રામજનો દ્વારા અનોખું સેવાકાર્ય સંપન્ન.
- માતાજીના ભક્તોએ મોટી સંખ્યામાં સેવા કેમ્પનો લાભ લઈ ધન્યતા અનુભવી.
ખોડિયાર માતાના પદયાત્રિકોની સેવામાં દેવ એન્ટરપ્રાઇઝ દ્વારા કેમ્પ યોજાયો
શક્તિ અને આરાધનાના પર્વ નવરાત્રીના પાવન પ્રથમ દિવસે માં આઈ શ્રી ખોડિયાર માતાના દર્શનાર્થે પદયાત્રા કરીને લાખોની સંખ્યામાં જઈ રહેલા શ્રદ્ધાળુઓ અને પદયાત્રિકોની સેવામાં ધોલેરાના દેવ એન્ટરપ્રાઇઝ દ્વારા એક ભવ્ય સેવા કેમ્પનું આયોજન કરવામાં આવ્યું હતું. નવરાત્રીના પહેલા જ દિવસે માતાજીના દર્શને જતા ભક્તોને કોઈપણ પ્રકારની મુશ્કેલી ન પડે અને તેમની સફર સરળ બને તે ઉદ્દેશ્યથી આ સેવાકીય પ્રવૃત્તિ હાથ ધરવામાં આવી હતી.
ચા-નાસ્તો, ફરાળી વાનગીઓ અને આરામ માટેની ઉત્તમ વ્યવસ્થા
આ સેવા કેમ્પમાં પદયાત્રા કરીને થાકી ગયેલા માતાજીના ભક્તો માટે ગરમાગરમ ચા, પૌષ્ટિક નાસ્તો, ઉપવાસ કરતા શ્રદ્ધાળુઓ માટે વિશેષ ફરાળી નાસ્તો તેમજ લાંબી સફર બાદ પદયાત્રિકો થોડો સમય આરામ અને વિસ્રામ કરી શકે તે માટે સુંદર અને સુખરૂપ વ્યવસ્થાઓ ઊભી કરવામાં આવી હતી. દેવ એન્ટરપ્રાઇઝ પરિવાર અને યુવા મિત્રવર્તુળ દ્વારા પોતાના જાત-મહેનતથી આ સેવાકીય કાર્ય કરી અનેપરિવારજનોએ પરમ ધન્યતા અનુભવી હતી. આ પ્રસંગે ઉપસ્થિત સૌ ભક્તોએ માં જગદંબા ખોડિયાર માતા સમક્ષ પ્રાર્થના કરી હતી કે જગતજનની માં સદ્ભક્ત પર પોતાની અસીમ કૃપા અને દિવ્ય આશીર્વાદ સદાય બનાવી રાખે.
આ ભવ્ય સેવા યજ્ઞના સફળ આયોજન પાછળ દેવ એન્ટરપ્રાઇઝ ભાડિયાદના અક્ષયરાજસિંહ જયદેવસિંહ ચુડાસમા તેમજ તેમના મિત્રવર્તુળ અને સહયોગીઓની ટીમનો વિશેષ સહયોગ સાંપડ્યો હતો.
ગાંધીનગર પ્રવાસી પત્રકાર રાજેશ પરીખ
About the Author
