મુખ્ય હાઇલાઇટ્સ:
- એલ.સી.બી. ની રેઇડ: અમરેલી લોકલ ક્રાઈમ બ્રાન્ચે સરદાર ચોકમાંથી મોટરસાયકલ પર વિદેશી દારૂની હેરફેર કરતા બે ઇસમોને દબોચ્યા.
- મોટો મુદ્દામાલ જપ્ત: વિદેશી દારૂની ૧૦૭ બોટલો, ચાર મોટરસાયકલ, બે મોબાઈલ અને રોકડ રકમ મળી કુલ રૂ. ૨,૯૧,૪૮૮ નો મુદ્દામાલ કબ્જે.
- આરોપીઓની ધરપકડ: ઇન્દ્ર ઉર્ફે રામકુ વાળા અને સુરજ ઉર્ફે દીલુભાઇ વાળા નામના બે ઇસમો ઝડપાયા; અન્ય ત્રણ આરોપીઓ પકડવાના બાકી.
- ચુસ્ત પેટ્રોલિંગ: ભાવનગર રેન્જ આઈ.જી.પી. અને અમરેલી પોલીસ અધિક્ષકની સૂચનાથી દારૂ-જુગારની બદી ડામવા પોલીસ એક્શનમાં.
દારૂની હેરફેર અને વેચાણ કરનારાઓ પર પોલીસની કડક નજર
ભાવનગર રેન્જના આઈ.જી.પી. શ્રી આર.વી.અસારી નાઓએ રેન્જના જિલ્લાઓમાંથી દારૂ અને જુગારની બદીને સંપૂર્ણપણે દૂર કરવા કડક સૂચનાઓ આપેલી છે. જે અન્વયે અમરેલી જિલ્લા પોલીસ અધિક્ષક શ્રી સંજય ખરાત નાઓએ પ્રોહિબિશનની પ્રવૃત્તિઓ, દારૂના વેચાણ, સંગ્રહ અને હેરફેર કરતા ઇસમો પર વોચ ગોઠવી સફળ રેઇડ કરવા ખાસ માર્ગદર્શન પૂરું પાડ્યું હતું.
ગુપ્ત બાતમીના આધારે સરદાર ચોકમાં સફળ રેઇડ
આ માર્ગદર્શન હેઠળ અમરેલી લોકલ ક્રાઈમ બ્રાન્ચના પોલીસ ઇન્સ્પેક્ટર શ્રી સી.પી.વાઘેલાની રાહબરીમાં એલ.સી.બી.ની ટીમ અમરેલી સિટી પોલીસ સ્ટેશન વિસ્તારમાં પેટ્રોલિંગમાં હતી. તે દરમિયાન મળેલી ચોક્કસ બાતમીના આધારે પોલીસે સરદાર ચોક વિસ્તારમાં રેઇડ કરી હતી. રેઇડ દરમિયાન મોટરસાયકલ પર ભારતીય બનાવટના વિદેશી દારૂની હેરફેર કરતા બે ઇસમોને ઝડપી પાડવામાં આવ્યા હતા. પકડાયેલા ગુનેગારો વિરૂદ્ધ પ્રોહિબિશન ધારા હેઠળ ગુનો નોંધી આગળની કાર્યવાહી માટે તેમને અમરેલી સિટી પોલીસ સ્ટેશનમાં સોંપવામાં આવ્યા છે.
પકડાયેલા તેમજ પકડવાના બાકી આરોપીઓની વિગત
પકડાયેલ આરોપીઓ: ૧. ઇન્દ્ર ઉર્ફે રામકુ ભનુભાઇ ઉર્ફે વલકુભાઇ વાળા (ઉંમર વર્ષ ૨૫), રહે. અમરેલી, સરદારનગર. ૨. સુરજ દિનેશભાઇ ઉર્ફે દીલુભાઇ વાળા (ઉંમર વર્ષ ૩૬), રહે. અમરેલી, ચક્કરગઢ રોડ, અમૃતનગર.
પકડવાના બાકી આરોપીઓ (શોધખોળ ચાલુ): ૧. વિશાલ નરેશભાઇ ગંગાજળીયા, રહે. અમરેલી, ચક્કરગઢ રોડ. ૨. ભનુભાઇ ઉર્ફે વલકુભાઇ વાળા, રહે. અમરેલી, સરદારનગર. ૩. વિરકુભાઇ દિનેશભાઇ વાળા, રહે. અમરેલી.
કુલ રૂ. ૨,૯૧,૪૮૮ નો મુદ્દામાલ જપ્ત
પોલીસે સ્થળ પરથી તેમજ તપાસ દરમિયાન નીચે મુજબનો મુદ્દામાલ કબ્જે કર્યો છે:
- ભારતીય બનાવટના વિદેશી દારૂની ૧૮૦ મિલીની અલગ-અલગ બ્રાન્ડની કુલ બોટલ નંગ – ૧૦૭ (કિંમત રૂ. ૧૧,૬૮૮/-)
- રોકડા રૂપિયા ૨૪,૮૦૦/-
- એન્ડ્રોઇડ મોબાઇલ ફોન નંગ – ૨ (કિંમત રૂ. ૫૫,૦૦૦/-)
- બે નંગ ટીવીએસ જુપિટર મોટરસાયકલ (નંબર પ્લેટ વગરના), એક નંગ હોન્ડા સુઝુકી બર્ગમેન મોટરસાયકલ (રજીસ્ટ્રેશન નંબર: જીજે-૨૭ ડીઆર ૯૧૧૯) અને એક નંગ હોન્ડા એક્ટિવા ફાઇવ-જી મોટરસાયકલ (રજીસ્ટ્રેશન નંબર: જીજે-૧૪ એઆર ૪૪૧૬) – ચારેય વાહનોની કુલ કિંમત રૂ. ૨,૦૦,૦૦–/-
કામગીરી કરનાર પોલીસ ટીમ
આ સફળ કામગીરી અમરેલી લોકલ ક્રાઈમ બ્રાન્ચના પોલીસ ઇન્સ્પેક્ટર શ્રી સી.પી.વાઘેલા, સબ ઇન્સ્પેક્ટર શ્રી એમ.ડી.ગોહિલ, સબ ઇન્સ્પેક્ટર શ્રી જે.ડી.વાઘેલા, આસિસ્ટન્ટ સબ ઇન્સ્પેક્ટર કનાભાઇ સાંખટ, રાહુલભાઇ ચાવડા તેમજ હેડ કોન્સ્ટેબલ ગીરીરાજસિંહ જાડેજા, કિશનભાઇ આસોદરીયા, રાહુલભાઇ ઢાપા, મહેશભાઇ મુંધવા અને સલીમભાઇ ભટ્ટી દ્વારા સંયુક્ત રીતે કરવામાં આવી છે.
અહેવાલ : ભાવેશ વાઘેલા અમરેલી
About the Author
