મુખ્ય હાઇલાઇટ્સ:
- ઓપરેશન મિલાપ હેઠળ કાર્યવાહી: ગુજરાત રાજ્યના ઉચ્ચ પોલીસ અધિકારીઓની સૂચના અને માર્ગદર્શન હેઠળ ગુમ તથા અપહરણ થયેલા બાળકોને શોધવા માટે વિશેષ અભિયાન ચલાવવામાં આવી રહ્યું છે.
- ગુમ બાળકની શોધખોળ: અમરેલી સીટી પોલીસ સ્ટેશનમાં નોંધાયેલા અપહરણના ગુનામાં ટેક્નિકલ અને હ્યુમન સોર્સની મદદથી પોલીસે ગુમ થયેલા બાળકને અમરેલી ટાઉનમાંથી શોધી કાઢ્યો છે.
- પરિવાર સાથે પુનઃ મિલન: ગઢડા તાલુકાના સભાડીયા ગામે રહેતા બાળકના માતા મીનાબેન રવીભાઈ મીઠાપરાનો સંપર્ક કરી પોલીસે બાળકને તેના સ્વજનોને સુપરિપોર્ટ કર્યો છે.
- પોલીસની સરાહનીય કામગીરી: અમરેલી સીટી પોલીસ ઇન્સ્પેક્ટર એમ.એમ. ઝાલા અને સર્વેલન્સ ટીમની ત્વરિત અને સક્રિય કામગીરીથી પરિવારમાં ખુશીની લહેર છવાઈ ગઈ છે.
અમરેલી શહેરમાં પોલીસ દ્વારા ગુમ તથા અપહરણ થતા બાળકો અને મહિલાઓને સત્વરે શોધી કાઢવા માટે ‘ઓપરેશન મિલાપ’ અંતર્ગત વિશેષ કામગીરી હાથ ધરવામાં આવી રહી છે. મ્હે. ડી.જી.પી. ગુજરાત રાજ્ય ગાંધીનગર તથા ભાવનગર રેન્જ આઈ.જી.પી. આર.વી. અસારી અને અમરેલી જિલ્લા પોલીસ અધિક્ષક સંજય ખરાતની કડક સૂચના અને માર્ગદર્શન હેઠળ જિલ્લામાં બનતા ગુમ થવાના બનાવોમાં તાત્કાલિક ધોરણે તપાસ કરવામાં આવી રહી છે. આ ઉપરાંત અમરેલી ડિવિઝનના નાયબ પોલીસ અધિક્ષક ચિરાગ દેસાઈ દ્વારા પણ જરૂરી માર્ગદર્શન આપવામાં આવ્યું હતું, જેના પરિણામે અમરેલી સીટી પોલીસને મોટી સફળતા મળી છે.
પ્રાપ્ત વિગતો અનુસાર, અમરેલી સીટી પોલીસ સ્ટેશન વિસ્તારમાં ગ ગ ગ ગ.ર.નં. ૧૧૧૯૩૦૦૩૨૬ ૦૬૪૨/૨૦૨૬ બી.એન.એસ. કલમ ૧૩૭(૨) મુજબ અપહરણનો ગુનો ગત તારીખ ૦૬/૦૭/૨૦૨૬ના રોજ દાખલ થયો હતો. આ ગુનાની ગંભીરતાને ધ્યાને લઈને અમરેલી સીટી પોલીસ ઇન્સ્પેક્ટર એમ.એમ. ઝાલાના માર્ગદર્શન હેઠળ પોલીસ ટીમ દ્વારા તપાસનો ધમધમાટ શરૂ કરવામાં આવ્યો હતો. ટેક્નિકલ સર્વેલન્સ અને હ્યુમન સોર્સની સચોટ માહિતીના આધારે પોલીસે ભારે જહેમત ઉઠાવીને ગુમ થયેલા બાળકને અમરેલી ટાઉનમાંથી જ સફળતાપૂર્વક શોધી કાઢ્યો હતો.
બાળક મળી આવ્યા બાદ પોલીસે તાત્કાલિક ધોરણે તેના વાલી મીનાબેન વા/ઓ રવીભાઈ ગોરધનભાઈ મીઠાપરા (રહે. સભાડીયા, તા. ગઢડા, જી. બોટાદ) નો સંપર્ક સાધ્યો હતો. પોલીસે કાયદેસરની પ્રક્રિયા પૂર્ણ કરી બાળકના પરિવારજનોને બોલાવીને હેમખેમ બાળકનું તેના સ્વજનો સાથે પુનઃ મિલન કરાવ્યું હતું. લાંબા સમય બાદ પોતાના પરિવારથી વિખૂટા પડેલા બાળકને પરત મેળવીને માતા અને પરિવારજનોએ હાશકારો અનુભવ્યો હતો તેમજ અમરેલી સીટી પોલીસ ટીમનો હૃદયપૂર્વક આભાર વ્યક્ત કર્યો હતો. આ સમગ્ર પ્રશંસનીય અને માનવતાભરી કામગીરી અમરેલી સીટી પોલીસ સ્ટેશનના ઇન્સ્પેક્ટર એમ.એમ. ઝાલા તથા સર્વેલન્સ ટીમના કર્મચારીઓ દ્વારા કરવામાં આવી હતી.
અહેવાલ: ભાવેશ વાઘેલા અમરેલી
About the Author
