મુખ્ય હાઇલાઇટ્સ:
- અમરેલી સીટી પોલીસની નાગનાથ ચોકી ટીમે મણિનગર વિસ્તારમાં મેમણ કબ્રસ્તાન સામે મકાનમાં પાડેલો દરોડો.
- રહેણાંક મકાનમાંથી પૈસા અને પાના વડે તીનપત્તીનો જુગાર રમતા બે પુરુષ અને બે મહિલાઓ ઝડપાયા.
- પોલીસે સ્થળ પરથી રોકડા રૂપિયા ૩,૨૭૦નો મુદ્દામાલ જપ્ત કરી ધોરણસરની કાર્યવાહી હાથ ધરી.
- રેન્જ આઈજીપી અને જિલ્લા પોલીસ અધિક્ષકની સૂચનાથી પીઆઈ એમ. એમ. ઝાલાના માર્ગદર્શન હેઠળ મળી સફળતા.
ગેરકાયદે જુગારધામ પર અમરેલી સીટી પોલીસની કડક કાર્યવાહી
ભાવનગર રેન્જ આઈજીપી વી. આર. અસારી અને અમરેલી જિલ્લા પોલીસ અધિક્ષક સંજય ખરાત તેમજ નાયબ પોલીસ અધિક્ષક ચિરાગ દેસાઈ દ્વારા જિલ્લામાંથી દારૂ અને જુગારની બદી દૂર કરવા સઘન પેટ્રોલિંગ અને કડક કાર્યવાહી કરવાની ખાસ સૂચનાઓ આપવામાં આવી હતી. આ સૂચના અને માર્ગદર્શન અન્વયે અમરેલી સીટી પોલીસ ઇન્સ્પેક્ટર એમ. એમ. ઝાલાની રાહબરી હેઠળ અમરેલી સીટી પોલીસ નાગનાથ ચોકી ટીમે સઘન ચેકિંગ હાથ ધર્યું હતું.
બાતમીના આધારે રહેણાંક મકાનમાં દરોડો
દરમિયાન નાગનાથ ચોકી ટીમને માનવ સ્ત્રોત (હ્યુમન સોર્સ) મારફતે ચોક્કસ બાતમી મળી હતી કે, અમરેલીના મણિનગર વિસ્તારમાં મેમણ કબ્રસ્તાન સામે આવેલા એક રહેણાંક મકાનમાં કેટલાક ઈસમો ગેરકાયદેસર રીતે જુગાર રમી રહ્યા છે. આ બાતમીના આધારે પોલીસે તુરંત જ મકાન પર દરોડો પાડ્યો હતો. જ્યાં પૈસા અને ગંજીપત્તાના પાના વડે હાર-જીતનો તીનપત્તીનો જુગાર રમી રહેલા ચાર ઈસમો રંગેહાથ ઝડપાઈ ગયા હતા.
બે મહિલા સહિત ચાર આરોપીઓ સામે જુગારનો કેસ નોંધાયો
પોલીસે ઘટનાસ્થળેથી રોકડા રૂપિયા ૩,૨૭૦નો મુદ્દામાલ કબ્જે કર્યો છે અને પકડાયેલા તમામ ચારેય આરોપીઓ સામે જુગારધારા હેઠળ કાયદેસરની કાર્યવાહી કરી ગુનો નોંધ્યો છે. ઝડપાયેલા આરોપીઓમાં અબ્દુલ્લાભાઈ ઉર્ફે રાજુ કાદરભાઈ કુરેશી (રહે. મણિનગર), અબ્દુલભાઈ સતારભાઈ ડેરૈયા (રહે. ઘાંચીવાડ), રજિયાબેન મહંમદભાઈ પઠાણ (રહે. મોટા કસ્બાવાડ) અને તસ્નીમબેન અબ્દુલ્લાભાઈ કુરેશી (રહે. મણિનગર, તમામ તા.જિ. અમરેલી) નો સમાવેશ થાય છે.
નાગનાથ ચોકી અને સીટી પોલીસ ટીમની સફળ કામગીરી
આ સફળ કામગીરી અમરેલી સીટી પીઆઈ એમ. એમ. ઝાલા તથા પીએસઆઈ કે. જી. મયાના માર્ગદર્શન હેઠળ યુએએસઆઈ નિલેશભાઈ લંગાળીયા, યુએચસી અમાનભાઈ કાજી, યુએચસી અંકુરભાઈ સોલંકી, પીસી રવિરાજભાઈ ખુમાણ, યુપીસી મેહુલભાઈ મારૂ, યુએલઆરડી યુવરાજસિંહ પરમાર અને મહિલા યુએલઆરડી ભાવનાબેન મનસુખભાઈ સહિતના પોલીસ કર્મચારીઓ દ્વારા પાર પાડવામાં આવી હતી.
અહેવાલ: ભાવેશ વાઘેલા અમરેલી
About the Author
