મુખ્ય હાઇલાઇટ્સ:
- વરસાદની અછત: સુપ્રસિદ્ધ યાત્રાધામ દેવભૂમિ દ્વારકા જિલ્લામાં હજુ સુધી ચોમાસું મન મૂકીને વરસ્યું નથી, જેના કારણે ખેડૂતો ચિંતિત છે.
- નામમાત્ર વરસાદ: હવામાન વિભાગના આંકડા મુજબ જિલ્લામાં સરેરાશ માત્ર ૨.૧૪ ટકા (માત્ર ૧૮ મિલીમીટર એટલે કે ૧ ઇંચ કરતા પણ ઓછો) વરસાદ નોંધાયો છે.
- ખેડૂતોની મુશ્કેલી: વરસાદના અભાવે ધરતીપુત્રોએ હજુ સુધી જમીનમાં વાવેતર માટે એક પણ દાણો નાખ્યો નથી અને તેઓ આકાશ તરફ મીી માંડીને બેઠા છે.
- નવી આશા: જામનગર પંથકથી વરસાદ આગળ વધી રહ્યો હોવાના વાવડ મળ્યા છે અને હવામાનમાં આવેલા પલટાથી જુલાઈના અંત સુધીમાં સારો વરસાદ વરસવાની આશા બંધાઈ છે.
સુપ્રસિદ્ધ યાત્રાધામ અને પવિત્ર ભૂમિ એવા દેવભૂમિ દ્વારકા જિલ્લામાં હજુ પણ મેઘરાજાની કૃપા ન થવાના કારણે ચિંતાજનક સ્થિતિ સર્જાઈ છે. ગુજરાતના અન્ય વિસ્તારોમાં અતિવૃષ્ટિ અને ભારે વરસાદી માહોલ જોવા મળી રહ્યો છે, ત્યારે દેવભૂમિ દ્વારકા જિલ્લો હજુ સુધી વરસાદ વગર કોરો ધાકોડ રહ્યો છે. જગતનો તાત ગણાતો ખેડૂત વર્ગ ચિંતામાં મુકાયો છે અને અન્નદાતાઓ કહી રહ્યા છે કે અમારા માટે વરસાદ વગરનો એક-એક દિવસ અત્યંત વસમો અને ચિંતાજનક બનીને વીતી રહ્યો છે.
ચોમાસાની ઋતુ શરૂ થઈ ગયા છતાં વરસાદ ન આવતા સવાલ એ થઈ રહ્યો છે કે આ વખતે ચોમાસું કેવું રહેશે? વરસાદ સારો થશે કે પછી જિલ્લો કોરો જ રહેશે? વરસાદના અભાવે ખેડૂતોએ હજુ સુધી પોતાના ખેતરોની ધરતીના પેટમાં વાવેતર માટે એક દાણો પણ નાખ્યો નથી. હવામાન વિભાગના ૨૪ જુલાઈ સુધીના અધિકૃત આંકડાઓ પર નજર કરીએ તો, દેવભૂમિ દ્વારકા જિલ્લામાં અત્યાર સુધીમાં સરેરાશ સામે માત્ર ૨.૧૪ ટકા જ વરસાદ પડ્યો છે. જો તેને ઇંચમાં ગણવામાં આવે તો માંડ ૧૮ મિલીમીટર એટલે કે હજુ સુધી પૂરો એક ઇંચ વરસાદ પણ નોંધાયો નથી, જે અત્યંત ચિંતાનો વિષય છે.
જો કે, રાહતના સમાચાર એ છે કે નજીકના જામનગર પંથકથી વરસાદ હવે દેવભૂમિ દ્વારકા તરફ થોડો આગળ વધી રહ્યો હોવાના હરખભર્યા વાવડ મળી રહ્યા છે, જેના કારણે સ્થાનિક ખેડૂતોમાં વરસાદ આગમનની નવી આશા બંધાઈ છે. હાલમાં હવામાનમાં મોટો પલટો આવ્યો છે અને વાતાવરણમાં સર્જાયેલી અનુકૂળ પરિસ્થિતિને જોતા જુલાઈ મહિનાના અંત સુધીમાં મેઘરાજા મન મૂકીને વરસશે અને ખેડૂતોની તરસ છીપાવશે તેવી પ્રબળ આશા વ્યક્ત કરવામાં આવી રહી છે.
અહેવાલ: ગાંધીનગર પ્રવાસી પત્રકાર રાજેશ પરીખ
About the Author
