મુખ્ય હાઇલાઇટ્સ:
- નામદાર જે.એમ.એફ.સી. કોર્ટ બાબરાના સજા વોરંટના કેસમાં લાંબા સમયથી ફરાર આરોપી ઝડપાયો.
- નેગોશિયેબલ ઇન્સ્ટ્રુમેન્ટ એક્ટ હેઠળના ગુનામાં દરેડ ગામના એભલભાઈ મેરામભાઈ ડાંગર સામે કરાઈ કાર્યવાહી.
- બાબરા પોલીસ ટીમ દ્વારા હ્યુમન અને ટેકનિકલ સોર્સના આધારે સફળતાપૂર્વક પાર પાડવામાં આવ્યું ઓપરેશન.
ભાવનગર રેન્જ આઇ.જી.પી. શ્રી આર. વી. અસારી તથા અમરેલી જિલ્લા પોલીસ અધિક્ષક શ્રી સંજય ખરાત દ્વારા અમરેલી જિલ્લામાં નામદાર કોર્ટના વોરંટના કામે નાસતા ફરતા આરોપીઓને શોધીને જેડપી પાડવા માટે વિશેષ સૂચનાઓ આપવામાં આવી હતી. આ સૂચનાઓના અનુસંધાનમાં લાઠી વિભાગના વિભાગીય પોલીસ અધિકારી શ્રી વિસ્મય માનસેતા દ્વારા જરૂરી માર્ગદર્શન પૂરું પાડવામાં આવ્યું હતું.
આ માર્ગદર્શન હેઠળ બાબરા પોલીસ સ્ટેશનના પોલીસ ઇન્સ્પેક્ટર શ્રી આર. આર. પરમારના સીધા માર્ગદર્શનમાં બાબરા પોલીસ ટીમ સતત કાર્યરત હતી. ટીમે હ્યુમન ઇન્ટેલિજન્સ તથા ટેક્નિકલ સોર્સના આધારે બાતમી મેળવીને ચોક્કસ કાર્યવાહી હાથ ધરી હતી.
સજા વોરંટના કેસમાં પકડાયેલ આરોપી
પ્રાપ્ત વિગતો અનુસાર, નામદાર જ્યુડિશિયલ મેજિસ્ટ્રેટ ફર્સ્ટ ક્લાસ કોર્ટ બાબરાના ફોજદારી કેસ નંબર ૭૪૪/૨૦૨૩ ધી નેગોશીએબલ ઇન્સ્ટ્રુમેન્ટ એક્ટની કલમ મુજબના સજા વોરંટના કામે આરોપી એભલભાઈ મેરામભાઈ ડાંગર (રહે. દરેડ, તા. બાબરા, જી. અમરેલી) નાસતો ફરતો હતો. બાબરા પોલીસ ટીમે આ આરોપીને શોધી કાઢીને તેના વિરુદ્ધ કાયદેસરની સંતોષકારક કાર્યવાહી હાથ ધરી છે.
સરાહનીય કામગીરી કરનાર પોલીસ ટીમ
આ સફળ કામગીરી બાબરા પોલીસ સ્ટેશનના પોલીસ ઇન્સ્પેક્ટર શ્રી આર. આર. પરમાર, એ.એસ.આઇ. કિરણભાઈ સોલંકી, હેડ કોન્સ્ટેબલ રાજભા વાઘેલા, હેડ કોન્સ્ટેબલ રમેશભાઈ કોતર, પોલીસ કોન્સ્ટેબલ જગદીશભાઈ રામાણી, પોલીસ કોન્સ્ટેબલ ગોકળભાઈ રાતડીયા, પોલીસ કોન્સ્ટેબલ વિજયભાઈ ચારડીયા તથા પોલીસ કોન્સ્ટેબલ ભારતભાઈ મકવાણા દ્વારા સંયુક્ત રીતે પાર પાડવામાં આવી હતી. પોલીસની આ કડક કાર્યવાહીથી ગુનેગારોમાં ફફડાટ વ્યાપી ગયો છે.
અહેવાલ: ભાવેશ વાઘેલા અમરેલી
About the Author
