મુખ્ય હાઇલાઇટ્સ:
- રાજકોટના કટારીયા ચોક નજીક એમ્સ હોસ્પિટલ રોડ પર શંકાસ્પદ ટ્રકને પોલીસે રોકાવ્યો.
- પ્રદ્યુમનનગર પોલીસ સ્ટેશનની આસ્થા ચોક પી.સી.આર. વાનની ટીમે સમયસૂચકતા દાખવી.
- ગાંધીગ્રામ પોલીસ મથકના મહિલા પોલીસ ઈન્સપેક્ટર ગઢવી અને ગૌરક્ષકો સ્થળ પર પહોંચ્યા.
- પશુઓને કતલખાને લઈ જવાનો પ્રયાસ નિષ્ફળ બનાવી આગળની કાયદેસરની કાર્યવાહી હાથ ધરાઈ.
એમ્સ હોસ્પિટલ રોડ પર શંકાસ્પદ ટ્રક જોતાં જ મહિલા પી.સી.આર. ટીમ હરકતમાં
રાજકોટ શહેરમાં કતલખાને ધકેલાતા પશુઓને બચાવવા માટે પોલીસ અને ગૌરક્ષકો દ્વારા એક અત્યંત સફળ ઓપરેશન પાર પાડવામાં આવ્યું છે. શહેરના કટારીયા ચોક નજીક આવેલા એમ્સ હોસ્પિટલ રોડ પાસેથી એક શંકાસ્પદ ટ્રક પસાર થઈ રહ્યો હોવાની વિગતો સામે આવી હતી. તે સમયે પેટ્રોલીંગમાં રહેલી પ્રદ્યુમનનગર પોલીસ સ્ટેશનની આસ્થા ચોક પી.સી.આર. વાનના ઈન્ચાર્જ જસવંતીબેન, નૂર્જાબેન તેમજ ડ્રાઈવર વિરલભાઈએ તાત્કાલિક સ્ફૂર્તિ દાખવીને આ શંકાસ્પદ ટ્રકને અટકાવીને ઊંડાણપૂર્વક તપાસ હાથ ધરી હતી.
તપાસ દરમિયાન ભેંસો ક્રૂરતાપૂર્વક ભરેલી મળી, ગૌરક્ષકો અને મહિલા પી.આઈ.ને કરાઈ જાણ
પોલીસ ટીમ દ્વારા ટ્રકની તપાસ કરવામાં આવતાં તેમાંથી મોટી સંખ્યામાં ક્રૂરતાપૂર્વક બાંધેલી ભેંસો મળી આવી હતી. પશુઓને ગેરકાયદેસર રીતે કતલખાને લઈ જવામાં આવી રહ્યા હોવાનું માલૂમ પડતાં જ પી.સી.આર. ટીમે ત્વરિત સ્થાનિક ગૌરક્ષકો તેમજ ગાંધીગ્રામ પોલીસ સ્ટેશનના મહિલા પોલીસ ઈન્સપેક્ટર ગઢવીને ઘટના અંગે જાણ કરી હતી. માહિતી મળતા જ મહિલા પી.આઈ. અને ગૌરક્ષકોની ટીમ તુરંત જ ઘટનાસ્થળે દોડી આવી હતી અને પશુઓને મુક્ત કરાવી સુરક્ષિત સ્થળે ખસેડવાની તજવીજ હાથ ધરી હતી.
પોલીસની ફરજપરાયણતા અને ગૌરક્ષકોની સતર્કતાથી માનવતાનું ઉત્તમ ઉદાહરણ
સમયસર મળેલી માહિતીના આધારે પોલીસ તંત્રની જાગરૂકતા અને ગૌરક્ષકોની સતર્કતાના કારણે અબૂલ પશુઓને કતલખાને જતાં અટકાવી લેવામાં આવ્યા છે. પી.સી.આર. વાનના મહિલા પોલીસ કર્મચારીઓ અને ડ્રાઈવરની આ ત્વરિત કામગીરી તથા સમયસૂચકતાએ માનવતા અને ફરજપરાયણતાનું ઉત્તમ ઉદાહરણ પૂરું પાડ્યું છે. સમગ્ર મામલે પોલીસે ટ્રક ચાલક અને સંડોવાયેલા ઈસમો સામે કાયદાકીય જોગવાઈ મુજબ ગુનો નોંધીને આગળની કડક કાર્યવાહી હાથ ધરી છે.
અહેવાલ ફારૂક બિલખીયા અમરેલી
About the Author
