મુખ્ય હાઇલાઇટ્સ:
- સ્થળ: અમરેલી જિલ્લાનું નવનિર્મિત જીરા રોડ રેલવે સ્ટેશન.
- નુકસાન: હજુ કામ પૂરું પણ નથી થયું ત્યાં આરસીસી કામમાં મોટી મોટી તિરાડો પડી અને કેટલોક ભાગ તૂટી પડ્યો.
- આક્ષેપ: કરોડો રૂપિયાના ખર્ચે બની રહેલા રેલવે સ્ટેશનના નિર્માણમાં મોટા પાયે ભ્રષ્ટાચાર અને ગેરરીતિ થયાના આક્ષેપો.
- સ્થાનિકોની માંગ: સમગ્ર મામલે ઉચ્ચ સ્તરીય તપાસ કરી કડક પગલાં લેવામાં આવે.
કામ પૂરું થાય તે પહેલા જ ભ્રષ્ટાચારની પોલ ખુલી
અમરેલી જિલ્લામાં રેલવે તંત્ર અને કોન્ટ્રાક્ટરોની મિલીભગતનો એક મોટો કિસ્સો સામે આવ્યો છે. અમરેલીના જીરા રોડ પર બની રહેલા નવા રેલવે સ્ટેશનમાં કરોડો રૂપિયાના ખર્ચે થઈ રહેલા કામમાં મોટા પાયે ગેરરીતિ આચરવામાં આવી હોવાની વિગતો પ્રકાશમાં આવી છે. આશ્ચર્યની વાત એ છે કે, હજુ તો આ રેલવે સ્ટેશનનું નિર્માણ કાર્ય સંપૂર્ણ રીતે પૂરું પણ નથી થયું અને લોકો માટે ખુલ્લું મુકાય તે પહેલા જ ભ્રષ્ટાચારના કારણે આખું સ્ટ્રક્ચર જવાબ આપી ગયું છે.
નવનિર્મિત આરસીસી કામમાં પડી ભયાનક તિરાડો
જીરા રોડ રેલવે સ્ટેશન ખાતે કરવામાં આવેલા આરસીસી કામમાં કોન્ટ્રાક્ટર દ્વારા સાવ હલકી ગુણવત્તાવાળી સામગ્રી વાપરવામાં આવી હોવાની પોલ ખુલી પડી ગઈ છે. નવું બનેલું રેલવે સ્ટેશન ઠેર-ઠેરથી તૂટી ગયું છે અને સિમેન્ટ-કોંક્રિટના બાંધકામમાં મોટી મોટી ભયાનક તિરાડો જોવા મળી રહી છે. રેલવે સ્ટેશનની આવી દુર્દશા જોઈને સ્થાનિક નાગરિકો અને મુસાફરોમાં ભારે આશ્ચર્ય અને રોષ વ્યાપી ગયો છે. કરોડો રૂપિયાના આંધણ પછી પણ આવું બિસ્માર કામ થતા તંત્રની કામગીરી સામે અનેક સવાલો ઊભા થયા છે.
કરોડોના ખર્ચ સામે લોટ પાણીને લાકડા જેવું કામ: ઉચ્ચ સ્તરીય તપાસની માંગ
આ રેલવે સ્ટેશનના આધુનિકીકરણ અને નિર્માણ પાછળ સરકાર દ્વારા કરોડો રૂપિયાની ગ્રાન્ટ ફાળવવામાં આવી હતી. પરંતુ જવાબદાર અધિકારીઓ અને કોન્ટ્રાક્ટરોની બેદરકારીના કારણે જનતાના ટેક્સના પૈસા પાણીમાં ગયા હોય તેવો ઘાટ સર્જાયો છે. સ્થાનિક લોકો હવે આ મામલે ઉચ્ચ કક્ષાએથી તટસ્થ તપાસ કરવાની માંગ કરી રહ્યા છે, જેથી કરીને આ કરોડો રૂપિયાના ભ્રષ્ટાચારના ખેલમાં સામેલ તમામ કૌભાંડીઓ સામે કડક કાયદાકીય પગલાં ભરી શકાય
અહેવાલ.મહેશભાઈ જળુ
About the Author
